Es Pirenèus visitadi:
deth sègle XVIII enquiath dia d'aué
 

 
VII COL·LOQUI D'ESTUDIS TRANSPIRINENCS 2011
 

Salardú, 30 de setembre i
1 i 2 d'octubre de 2011
 

Dera antiquitat ençà, era visita o era estada enes Pirenèus an favorit era produccion documentau e/o literària d'un determinat territòri e era creacion e/o era alteracion der imaginari collectiu e des visions exogènes e endogènes qu'era gent a sus aguesti territòris. Aguestes percepcions an aumentat enes darrèrs decennis deth sègle XX damb era expansion des balnearis, er excursionisme e era popularizacion deth torisme o des naui poblants deth miei rurau.

En aguest collòqui volem analisar es desparières visions e viatges des diferentes vals pirenenques ath long dera istòria. Maugrat que mos centraram enes sègles XVIII, XIX e XX, tanben s'accèpten comunicacions e trabalhs de croniques, viatges e viatjaires de periòdes anteriors, dera antiquitat enquiara edat modèrna e contemporanèa. Volem analisar es diferenti modèls toristics existenti, era sua evolucion, eth sòn present e es perspectives de futur d'un modèl economic qu'a arribat enquiàs nòsti dies.

1a part: Era descobèrta des Pirenèus: des balnearis ar excursionisme.

2a part: Es torismes dera modernitat.