Activitats del curs   ·   Trajectòria històrica   ·   Directori   ·   Publicacions   ·   Miscel·lània

 

 

 

 

La SCG és l'àmbit de trobada dels geògrafs i geògrafes catalans més destacat...

Era SCG ei er encastre des geografs e geografes catalanes mès destacadi...

La SCG es el lugar para el encuentro más relevante de los geógrafos catalanes...

SCG elkartea Kataluniako geografo gailenen bilgunea da...

A SCG é o lugar de encontro dos geógrafos e geógrafas catalães mais destacado...

La SCG est le lieu de rencontre le plus renommé des géographes catalans...

The SCG is the more important gathering space for geographers in Catalonia...

 

 

 

La Societat desenvolupa les seves activitats en les terres de llengua i cultura catalanes. El català serà, doncs, la llengua pròpia de la Societat i la que serà usada normalment en tots els seus actes i publicacions. [Estatuts de la Societat Catalana de Geografia, art. 4].
 

Era Societat Catalana de Geografia (SCG) ei er encastre des geografs e geografes catalanes mès destacadi. Siguec fondada en 1935 coma filiau der Institut d’Estudis Catalans per iniciativa deth geofisic Eduard Fontserè. Eth sòn prumèr president siguec Pau Vila. Era Guèrra Civila e era instauracion deth regim franquista paralisèren es sues activitats enquia 1947. En transcors des ans setanta, de tornada dera recuperacion dera normalitat institucionau, era Societat podec ampliar era sua preséncia sociau. Era apòsta renauidora impulsada per Lluís Solé siguec decisiva entà afiançar-la. Era renauida siguec d’orden generacionau e scientific e s’estretiren es vincles damb era geografia universitària acabada d’implantar en Barcelona. Era consolidacion dera Societat pendent era decada des ueitanta se concretèc, entre d’autes manifestacions, damb era publicacion dera revista Treballs de la Societat Catalana de Geografia, a compdar de 1984 e ena celebracion deth Prumèr Congrès Catalan de Geografia, en 1991. Enes darrèrs ans, era Societat a consolidat era artenhuda internacionau, en tot convidar a geografs e geografes de tot eth mon entà aufrir conferéncies.

Es activitats dera Societat abarquen diuèrses modalitats de comunicacion e difusion academica e se desvolopen en corsi que van d’octobre a junh. En cada cors se dicten ath torn de nau conferéncies sus tèmes plan diuèrsi dera disciplina, der encastre de Catalona e es Païsi Catalans, Espanha e eth mon. Ei era activitat qu’indique era contunhitat dera Societat des de 1935. D’ençà 1973 s’organizen sessions scientifiques sus tèmes d’actualitat e corsi e seminaris entar apregondiment e/o era actualizacion teorica e practica en tèmes especifics de geografia. Igualment, en cada cors s’amien quauques gessudes d’estudi entà desparièrs lòcs de Catalonha. Des de 1998, era Societat organize entà Setmana Santa un viatge orientat ath coneishement de d’autes cultures d’un país dera conca mediterranèa.

Eth Prèmi Lluís Casassas, adreçat a estudiants e recent licenciats, a coma objectiu animar a realizar trabalhs d’iniciacion ara investigacions en geografia. A estat convocat ininterrompudament des der an 1995.

Eth Prèmi Joan Palau Vera, convocat per prumèr viatge en 2004, s’adrece a trabalhs d’investigacion d’estudiants de bachelierat sus aspèctes dera geografia en quinsevolh des sòns encastres tematics.

Treballs de la Societat Catalana de Geografia ei ua revista academica de periodicitat semestrau sus tèmes d’interès geografic. Publique tèxtes inedits atau coma conferéncies e actes desvolopadi ena Societat. Era admission d’articles se regís peth sistèma de censors e en sòn conselh editor participen geografs e geografes de tot eth mon.

Er Obrador Obert ei era hònt d'informacion permanenta dera Societat. En eth se recuelhen es activitats deth cors, es publicacions, eth directòri des membres e persones collaboradores, era trajectòria istorica dera SCG e un apartat de miscelanèa damb informacions complementàries.

Coma associar-se. Quinsevolha persona interessada ena geografia pòt hèr-se membre dera SCG. Sonque a de ramplir eth butletin adjunhut. Ei requisit reglamentari qu’era sollicitud d’ingrès sigue presentada per dus sòcis numeraris. Se non ei possible artenher-les, mos envie era sollicitud e, se procedís, dus membres dera Junta l’ac signaràn d’ofici. Èster sòci dera SCG permet obtier era revista Treballs de la Societat Catalana de Geografia e era rèsta de publicacions dera Societat sense cap de còst addicionau.

 

  Pàgina actualitzada el
28 de gener de 2011
optimitzada per a Internet Explorer
pau·alegre·fecit·mcmxcix·mmxx
Qualsevol persona interessada en la geografia pot associar-s'hi.
Si us plau, complimenteu la butlleta de sol.licitud d’ingrés.
    Societat Catalana de Geografia
Filial de l'Institut d'Estudis Catalans
Carrer del Carme, 47 / 08001 Barcelona
scg@iec.cat